[A:306]brag bka' drin che ba dang/ gzhan la yang bka' 'doms bcas yang dag par mdzad de/ sku gsung thugs kyi nang rten rnams bla brang shar du bzhugs su gsol ba dang/ rtse gdong phyogs su'ang dge rgyun rgya cher 'dzugs par mdzad/ dbo zla'i bcu gnyis nas bzung ste yab sras zhal rgyas nas de mo gong ma mchog gi dgongs rdzogs su kyai rdo rje man ngag gi lugs kyi dkyil 'khor du dgung zhag gzung skabs rten gyi gtso bor/ sa skya pa chen po kun dga' snying po'i zhal thang mkhan po zhang gsum thog pas bzhengs pa la/ sa chen nyid kyis phyag nas mdzad pa de nyid skabs shig dbus phyogs su 'khyer ba/ yar klungs pa sengge rgyal mtshan gyis nyams gso mdzad de gnas gsar ba rim can gyi phyag tu bzhugs pa khyab bdag bka' 'gyur pa chen po gshegs dus sa skyar bsngo rten du rab byung bcu gcig lcags byi lor 'jam dbyangs bsod nams dbang phyug gi phyag babs de nyid zhal dbye zhing/ sta gon lnga dang/ dngos chog drug re bcas rgyas par bstsal/ gzhan yang dge 'dun lnga bcu kha yar gyis zhag lnga'i ring kyai rdor sgrub mchod kyi sngon 'gror gong ma lnga stod sho lo ka dang po phreng 'khor/ yongs rdzogs dang bskang ba rgyas pa la sogs pa dgongs rdzogs mang du bka' gsang gis gdams nas/ nag zla'i nang sde dge sa dbang blo gros rgyal mtshan sogs 'das ma 'ongs rgyal rabs rnams kyis dgongs rdzogs su/ dngul bre chen 'ga' zhig sbyor 'jags bzhin/ chos sde lho nas nyin gcig la dge 'dun zhal grangs