[A:324]nam phyed tsam la chibs bsgyur te/ dgod la'i rtser lha bsangs rgyas pa sngas 'gor bzhugs/ sang nyin g.ya' ma lung gnas gzigs dang bcas bsam yas su bzhugs/ zhag bcu bdun ring / mgon khang dang / lcog gnyis su rtag par gsung bskang dang / spyi sger nas mjal phyag gnas gzigs/ 'cham gzigs/ chos skyong sku phebs/ bka' rtsom/ gsung brtag srod tho rangs mtshan gung sogs su/ phur pa dang / bde mchog dbang cha drug grwa gsum brgya skor la rta mgrin yang gsang dbang chen/ rjes gnang sogs ni grangs las 'das shing / mchims phu gnas gzigs skabs rje nyid la klu 'dul phug tu mtsho rgyal gyis zhal gzigs te/ lung bstan zhig byung gsungs pa las/ 'di byung bka' ma grol/ lcog tu phyi nang gsang ba'i rten 'dzugs kyi tshe rje nyid kyi 'od gsal du chos skyong chen po byon nas yon tan gyi rten de la lhag par dgyes nyams kyis 'di phye mar gyis bkang dgos gsungs pa bzhin dang / sdib khrab la bzo skyor yang mdzad pa sogs gnas der bstan 'gro'i legs spel rnams rim grub kyis/ brag kha rdzong bdun/ bzhugs sgar du bco brgyad/ sku mched bsam yas mkhan po sogs la lam dbang / lam zab phyi nang / bir srung phyi nang sogs dang / 'on khri smon mgon khang du gsung bskang dang rab gnas/ de nas rgyal sras rin po ches chibs bsus/ 'on chos sdings su zhag bzhi bzhugs/ rgyal sras sogs la rnal 'byor ma'i byin rlabs dang /