[A:27]yab chos khro rgyal 'byung po 'dul byed dang / lhag pa'i lha mchog badzra ki la yi'i bsnyen sgrub mdzad tshul rnams gong du bstan zin nas/ 'dir chos kyi rgyal po 'jam mgon sa skya paNDi ta'i chos khri chen por/ lhar bcas 'gro ba mtha' dag gi khams gsum chos kyi rgyal por dbang bskur ba'i tshul cung zad brjod par bya ba ni/ sa lug dbyug zla'i mjug la sku rim du rgyal gsung bka' 'gyur rin po che gsung sgrog dang / dmar chen gtor bzlog smin zla'i mjug tshes dge bar bya khra ma'i 'bru phung la bstan srid ji mthor rgyas pa'i rten 'brel du dar 'dzugs sogs dang / phur bzlog sgrub zhag lnga pa zhig kyang gnang ngo / /
dgung grangs bcu gnyis su phebs pa lcags sprel rgyal zla'i tshes gcig nyin lha mchod sngon 'gro/ skyabs mgon yab sras sku 'khor/ ban tshang bla rigs sogs dang bcas/ tshoms chen du dga' ston bzhugs gral sngar rgyun bzhin dang / tshes gnyis nas bzung rje rdo rje 'chang ban tshang pa'i 'khor tshogs dang bcas pas gtor spod skabs yongs grags kyi khag bzhir/ lha mdung / rnga ril/ dar lcog can kha btags bstan 'gro'i bde skyid dar ba'i thugs smon bcas 'bul bar mdzad/ tshes gsum nas yab rje rdo rje 'chang nas/ mgon khang steng 'og bdud 'dul phug skyed bsam dus mchod rnams su/ ru mtshon gsar 'dzugs skabs rje rdo rje 'chang nyid kyang phebs/ de nas dngos gzhi gser khrir mnga' gsol gong /