[A:337]gong sa rgyal dbang mchog dgung gegs snga bsur byon pa'i sku gegs sel phyir/ gzim spyil dkar po'i bse dgon yid bzhin nor bu'i sku drung du 'jam mgon zhal rnam pa gnyis/ rje btsun drung / ban tshang pa'i 'khor tshogs bcas nas/ rje nyid kyi bka' bzhin gsung bskang smin rgyas dang / zhag gsum ring 'dus tshogs su sde dge sa dbang la cung zad 'tshub nyams 'khrungs pa sel phyir sku rim rgya che gnad smin du 'doms par mdzad/ ring min nas rgyal dbang mchog gi thugs bzhed bzhin gnod sbyin rtsi'u dmar po'i sku gsob gzungs rab gnas sogs cho ga rnam dag gis bskrun pa sku tshab ched mngags kyis phul bas dgyes bzhes yang dag par mdzad ces thos lags/ de mtshams nas gong gi gser chos kyi dbang rnams 'jam sku mched sogs dang mnyam du bstsal ba ji ltar bstsal ba'i chos rnam grangs 'og tu byung zhing / smin zla'i 'gor byang pa sde tshogs la gsung bskang nyin gang ma spyir dus bde zhod 'jags byung ba dang / khyad par rje rdo rje 'chang nyid kyis chos bka' rgya cher bstsal 'bras bzhin/ gang gi rigs sras rgyal tshab dam pa mchog dang / gzhan yang bstan 'dzin kha shas gzhi bsnyen la bzhugs stan 'jags rgyu'i rim gror ched dgongs kyis bstsal nas/ ma 'gyangs par kha'u sman chab mdzad de/ 'jam mgon dbang sdud snying po nyid nas 'khor lo bde mchog dang / klungs mchog sprul/ rtse gdong sprul sku sogs kyai rdo rje'i gzhi bsnyen la bzhugs dgos pa'i bka'i gnang ba bstsal nas/ rje