[A:373]dus gtor bzung ba gnang ba yin te gang gi rnam thar zhal gsung ma las kyang / mi bzung dgu bzung yab rje kun blos bzung / /thugs rje bzlog med lcags kyus bzung ba'i khar/ /mi byed dgu byed pu tra zer ba khos/ /byed rgyu thams cad zad nas nga 'dra ba/ /mangs shos sdug shos rdzii 'tshub 'di 'dra zhig /chu mo lug la 'khon gyi gdung du bskyal/ /zhes gsungs pa'i don yang 'di bzhin dang / lo rgyus 'di la dpags na/ dpal sa skya'i chos srung las mgon po chen po nyid kyis snyigs dus kyi bstan srid la dmu 'gong dam sri gdug pa can rnams 'dul phyir/ bsam bzhin du gu ru padma 'byung gnas nyid 'khon gyi gdung du sku sprul pa'i skye bar bzhes par gdan drangs sam snyam mo/ /gzhan yang yab rje kun blos/ dpal sa skya'i dbang lha tshogs bdag dang / gzhi bdag rtag 'tsher gangs mchod gnyis char tshig ris mthun par/ gdung rgyud dri med lo zla ma 'gyang bar/ /myur du 'byon zhing byon pa de dag kyang / /sangs rgyas byang sems rnam 'phrul sha stag las/ /mi dang mi min phas rgol gang gis kyang / /mtho 'tsham bar gcod kun gyis mi tshugs shing / /bdud dang bdud kyi rjes 'brangs ji snyed pa/ /skad cig tsam gyis rdul du rlog pa la/ /phyag na rdo rje lta bu'i mthu stobs mdzod/ /ces sogs bka' bsgo 'phrin bcol dmigs phug gnang bas/ dam can rnam gyis thogs med du 'grub pa'i tshul shin tu ngo mtshar ba'i rnam thar ro/ /yang chu lug sku rim chen mo dang nye bar mnga'