[A:375]de tshugs par mdzad pa'i spyan 'dren dang bstun/ kha'u phyogs nas kha ba bu yug 'tshub pa sogs lha 'go ba'i rtags dang bcas/ gsung bskang yongs rdzogs nyin khongs su grub par mdzad/ de dus yum yang snyun gzhi las grol bas/ yab yum zhal rgyas te dmar po skor gsum gyi sku par 'debs gnang dang / tshes dgu dang bcur yang tshogs bdag bskang gso gnang mu'i dgu'i srod 'khor tsam nas bzung / kha ba cung zad 'bab mur sku gdung rin po che bltams ran pas/ rje rdo rje 'dzin nyid thugs lhag par spro ba'i ngang nas rgyal tshing sogs de skabs kyi zhabs phyi rnams la bsrung 'khor/ srid pa ho'i tsakli bcas 'dogs par mdzad pa dang / gang la gang dgos sngags dang rtsis sman nas bshad pa'i nyer mkho mtha' dag 'du mdzad cing / yum la'ang gang ci'i bka' 'doms lhus 'thing zhib lhug stsol rjes/ rtsa ba'i bla ma dam pa dang dbyer med rje btsun rin po che grags pa rgyal mtshan dang / sangs rgyas sman bla/ rje btsun sgrol ma rnams la thugs smon gsol 'debs rtse gcig tu mdzad kyin bzhugs pas/ de yang rab byung bcu gsum pa'i nang tshan nyi ma zhes pa chu mo lug gi lo/ bdag cag gi ston pa longs spyod rdzogs pa'i skur bzhengs te/ dpal ldan 'bras spungs su chos rgyal zla ba sogs la khyab bdag dus kyi 'khor lo'i rtsa ba'i rgyud gsungs pa'i dus chen dang nye bar nag zla'i dkar po'i phyogs kyi tshes dgu'i srod yol tsam la sngar gyi kha ba char du gyur nas ches cher nyil