[A:378]dbang khang phur mchod gtor zab gshoms kyis sngar mgyogs gtang rag dang / rgyun ring bar nyin ltar sku'i rkyen sel dang / bltams nas zhag bcu zla bcu lo bcu sku rim gzab dgos mchis pa bzhin dang / zhabs rim gnang tshul dang / nang gso yab rje nyid nas snga mgyogs gtang rag gsang khog tu mchis pa'i rje btsun drung rnams dang / mkhan phyag gnyer gsum sogs nas legs 'bul dang / gza' skar dge ba'i thog mtshan byang dar dkar la mtshal gyis dpal ldan chos skyong ngam dbang sdud snying por gsol ba ni/ rje sa chen gyi sprul gzhi de dang 'khrungs skabs dbang lha tshogs bdag gi bskang gso tshugs pas na dbang sdud/ sa chen gyi mtshan mtha' snying por gsol ba bcas 'dri ba'i dbu tshugs pa dang tshogs dung gsung bskul stabs 'grig kyang byung zhing / de dus chos grwa lho byang 'dus tshogs la bden tshig bkra shis 'gyur med g.yung drung thugs 'dzin du bstsal zhing / gzhan yang sku gnang gces rtabs gtang rag dang / spyi sger nas zhabs legs sogs rgya cher phul tshul/ snron zla gsang brtol te lha mchod gzab ma 'khor nas cha khams kyis gzhas bsu bcas tshoms dmar du rgyan 'grems bcas/ sa khongs yod do cog nas legs 'bul dang / gtam snyan dar 'phyar/ bgyis pa dud chung sogs mdung dar med pa rnams kyang rdab shogs kyi dbyug pa rang bzhin gyi rtse la dar ras 'phyar ba sogs byung zhing / de dus tshogs chen dbu byed nas bden tshig zhabs brtan bskul