[A:386]par mdzad skabs gtsug lag khang gi srung ma'i rnam 'phrul/ byi'u zhig sngon la phebs bsu'i tshul gyis 'gro zhing skas 'og gi nang du yar 'gro tshang mar phyag dbang rdzogs nas rtser yab sras gsum zhal rgyas nas lha bsangs skabs/ bya rog snum bag can gsum 'ongs te/ dbus ma'i mchu yas mas mar gyis dkar por byas te/ gsum ga rje'i zhal dkyil la lta bzhin du skad snyan sgrog par byed do/ /de dus zhal ngo byings rnams theg chen pho brang du bzhugs shing / bka' rams nas thigs g.yab shar gyi byang du tshe chog sgrig pa yan gyi de'i lhor 'dul lung sde bzhi/ 'bum sde lnga sogs gsung sgrog mdzod nag gtor spod sogs zhib par gong yab rje'i skabs su bkod pa bzhin bar lam lha khang byang gi skas la babs te/ phyi dro sde yangs su kong gzhas sogs dga' ston la rol par mdzad pa dang / dbyug zla'i nang du chog mang bde kyai gsang gsum la rab gnas sbyor gnang gi sa skor dang / skas ring sgo rnga sogs rab gnas 'bring po mdzad pa'i yon sgor 'jam mgon sku mched phebs/ sbyor gnang gi sa skor dang / zhabs bskor la yang phebs par/ 'jam mgon gcung rin po che sras rdzis rgyab tu gdan drangs te/ brdal la bzhugs khrir mnal spro nyams kyis sad pa ni/ mdo sde rnams las/ de bde bar gnyid kyi log cing / bde bar sad par 'gyur ro/ zhes gsungs pa bzhin dang / phyi bskor 'khor nas yab rje chos kyi rgyal po nyid nas gsung bsngo rgyas pa/ bkra shis kyi mtha' brgyan pa bcas mdzad/ nyi ma