[A:388]brgyad nyin rab gnas mdzad rjes sku yon khang du thugs gnyer dbu tshugs thog zhal dro'i rten 'byung rdzas kyis thog drangs/ 'jam mgon gzhon nu rnam gnyis/ sku yon pa bcas la zhal dro'i bkra shis pa'i mgul dar sogs bstsal te yab rje rdo rje 'chang nyid sgo rum du phebs te/ lha bsangs/ gur lcam dral la gtor bsngo brgya tshar/ bskang gso 'phrin 'chol/ thos bsam sgom gsum dang 'chad rtsod rtsom gsum dar ba'i 'dod gsol smin grub rnams/ sku yon khang du skyabs sems bla ma yi dam gyi sku bstod sngon 'gro'i sdom gsum rab dbye/ rtsa 'don/ bsngo smon shis brjod sogs zhal dro'i ched du thugs bskyed kun bzang smon lam gyi rjes 'gro mdzad pa dang / dgung grangs dgur phebs pa lcags yos lor ljongs 'dir rdo rje tsher ma'i nad rims mtho ba gzhung sa'i bka' 'brel yab rje mchog nas lo phyi nang du lo gyon ma'i nad rims zhi chog cha gsum sogs gtor ma'i rigs/ khyad par lha mo rje khol gyi mdos sogs mdzad pas nyams nyes che bar ma gyur/ dgung grangs bcu phrag gcig tu phebs par ji skad du/ rnam thar tshigs bcad gong 'phros las/ lo bcu pa la rtsa rgyud brtag gnyis rgyugs/ /de nas bzung ste bcu drug ma lon par/ /yab yum gnas slob rnams kyi thugs rje las/ /phur sgrub la sogs sgrub mchod thams cad dang / /dbyar dgun chos thog bka' bzhi rnam 'grel sogs/ /bshad grwa skor gyi rgyugs sprod mang sprad nas/ /chos thog rnams la bshad pa mang du rgyab/ /gzhan