[A:390]brgyad la phun gling dbang khang du yab rje dkyil 'khor rgya mtsho'i rigs bdag mchog nas/ gsang chen bla na med pa'i rgyud kyi gtso bo rje btsun sa skya pa'i yab chos dri ma med pa bcom ldan snying po kyai rdo rje'i rdul tshon gyi dkyil 'khor du sku tshe 'dir rags pa'i phung khams skye mched rnams lha dang ye shes kyi ngo bor bskyed cing gsal 'debs pa dang sbyang gzhi sbyong byed ngo 'phrod pa'i smin byed dbang gi chu bos smin par mdzad de rtsa sngags bzlas lung bcas bstsal ba gsan cing / dgung grangs bcu gcig du phebs pa chu sbrul lor yab rje rdo rje 'chang nyid sku phreng 'tshub pas lo gang phyir phebs spangs nas bzhugs skabs/ dag snang du zi gu lha khang 'dra mo zhig yab rje mchog la tshe dpag med snang brnyan che chung sna tshogs dang rje nyid la rnam rgyal gyi sku brnyes pa 'khrungs pa na yab rje mchog gi sku phreng gi 'tshub ma zhi zhing 'jam mgon gzhon nu gang nyid mi mthun pa'i phyogs las rgyal ba'i mtshan mar gor ma chag chu stod zla nang yab rje rdo rje 'chang nas snod bcud spyi bye'i phywa g.yang 'phel phyir sde dge zhu chen rin po che'i gsung rab bzhin la rang lugs dbyangs rol phyag len sbyar ba thog mar gnang skabs/ grol nyin phywa sgo dbye skabs/ 'jam mgon sku mched yum mchog bcas phywa rdzas lta bar phebs shing / gro bzhin phur sgrub skabs yab sras lhan rgyas kyis/ phur cha sogs khyad byang nas bzhes te/ gnas bcu lha khang du dpal rdo rje gzhon nu'i sgrub mchod rgyas par mdzad cing / smin zla'i nang rje yab sras rnams