[A:399]dbang kun dga' phan bde rgya mtsho theg mchog bstan pa'i rgyal mtshan dpal bzang po 'di nyid dang / rigs bdag dkyil 'khor rgya mtsho'i khyab bdag drug pa rdo rje 'chang chen po de nyid ni/ nyin dang po gnyis rab gsal shar lho'i 'gug nang du khri chen la nub gzigs su bzhugs/ de nas byang la zhal ngo / mkhan phyag gnyer/ gzhung zhabs rin po che'i sku tshab sogs gsol ja dang 'bul chen 'gro yul ma gtogs sku drag ji snyed pas phyur zhing / bzhugs khri'i g.yas rdo skas 'gor sku yon pa/ de skabs 'dren chas thob pa rnams la rang rang gi 'dren chas 'bul mi dang de min sku drag rnams la 'dren pas zhal dkar rag stegs bcas thob mi thob kyi rnam bzhag dang ldan par mdzad/ mthil rdo gcal la sngar phan byang gral 'gor mdzad nas zhal shar nub la gzigs srol yang / de lo nas bzung byang gzigs kho nar mdzad dgos la sgrigs can rnams ni bka' chos chos spyod sogs dang bstun/ de phyin rang rang blo dang bstun chog pa'i bka' 'doms dang / nyin gnyis rje nyid kyang sgrigs gras min pas nam langs la nang so sogs brgyud gong gi rnam rgyal sgrub mchod ji 'gro dang / bka' chos ran pa dang bstun gsang sgo nas phebs/ bka' chos dang 'bul bzhes rnams grub nas rje nyid kyis sgrub mchod 'phro dang/ 'jam mgon sku mched gzhi thog tu phebs/ bka' dbang ran pa dang phebs brda bcas 'chi med yang rtser byon/ nyin gsum par sgrigs gras mdzad pa deb nang bzhin bzhugs khri'i