[A:༣༩༩]དབང་ཀུན་དགའ་ཕན་བདེ་རྒྱ་མཚོ་ཐེག་མཆོག་བསྟན་པའི་རྒྱལ་མཚན་དཔལ་བཟང་པོ་འདི་ཉིད་དང་། རིགས་བདག་དཀྱིལ་འཁོར་རྒྱ་མཚོའི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་དེ་ཉིད་ནི། ཉིན་དང་པོ་གཉིས་རབ་གསལ་ཤར་ལྷོའི་འགུག་ནང་དུ་ཁྲི་ཆེན་ལ་ནུབ་གཟིགས་སུ་བཞུགས། དེ་ནས་བྱང་ལ་ཞལ་ངོ་། མཁན་ཕྱག་གཉེར། གཞུང་ཞབས་རིན་པོ་ཆེའི་སྐུ་ཚབ་སོགས་གསོལ་ཇ་དང་འབུལ་ཆེན་འགྲོ་ཡུལ་མ་གཏོགས་སྐུ་དྲག་ཇི་སྙེད་པས་ཕྱུར་ཞིང་། བཞུགས་ཁྲིའི་གཡས་རྡོ་སྐས་འགོར་སྐུ་ཡོན་པ། དེ་སྐབས་འདྲེན་ཆས་ཐོབ་པ་རྣམས་ལ་རང་རང་གི་འདྲེན་ཆས་འབུལ་མི་དང་དེ་མིན་སྐུ་དྲག་རྣམས་ལ་འདྲེན་པས་ཞལ་དཀར་རག་སྟེགས་བཅས་ཐོབ་མི་ཐོབ་ཀྱི་རྣམ་བཞག་དང་ལྡན་པར་མཛད། མཐིལ་རྡོ་གཅལ་ལ་སྔར་ཕན་བྱང་གྲལ་འགོར་མཛད་ནས་ཞལ་ཤར་ནུབ་ལ་གཟིགས་སྲོལ་ཡང་། དེ་ལོ་ནས་བཟུང་བྱང་གཟིགས་ཁོ་ནར་མཛད་དགོས་ལ་སྒྲིགས་ཅན་རྣམས་ནི་བཀའ་ཆོས་ཆོས་སྤྱོད་སོགས་དང་བསྟུན། དེ་ཕྱིན་རང་རང་བློ་དང་བསྟུན་ཆོག་པའི་བཀའ་འདོམས་དང་། ཉིན་གཉིས་རྗེ་ཉིད་ཀྱང་སྒྲིགས་གྲས་མིན་པས་ནམ་ལངས་ལ་ནང་སོ་སོགས་བརྒྱུད་གོང་གི་རྣམ་རྒྱལ་སྒྲུབ་མཆོད་ཇི་འགྲོ་དང་། བཀའ་ཆོས་རན་པ་དང་བསྟུན་གསང་སྒོ་ནས་ཕེབས། བཀའ་ཆོས་དང་འབུལ་བཞེས་རྣམས་གྲུབ་ནས་རྗེ་ཉིད་ཀྱིས་སྒྲུབ་མཆོད་འཕྲོ་དང། འཇམ་མགོན་སྐུ་མཆེད་གཞི་ཐོག་ཏུ་ཕེབས། བཀའ་དབང་རན་པ་དང་ཕེབས་བརྡ་བཅས་འཆི་མེད་ཡང་རྩེར་བྱོན། ཉིན་གསུམ་པར་སྒྲིགས་གྲས་མཛད་པ་དེབ་ནང་བཞིན་བཞུགས་ཁྲིའི་