[A:402]bzhugs tshar ba mdzad/ 'jam mgon sku mched chos khrir bzhugs pa'i sku mdun yab rje rdo rje 'chang nyid bzhengs mthar/ g.yas g.yon la phyag phyi ba rnams bsgrigs nas/ dbu byed che bas bskul la/ sangs rgyas chos tshogs shur ma gsum nas bzung / khrus gsol/ sku phyis bar de dus kyi zin bris bzhin mdzad/ de nas sku rten yab kyi phyag tu bsnams te/ rgyal srid sna bdun gyi gdangs bcas pas/ tshogs gnyis mthar phyin mtshan mchog so gnyis dang / /rab mdzes dpe byad bzang po brgyad cus spras/ /sprul pa'i 'od zer dpag med 'phro ba can/ /longs spyod rdzogs sku chen por dbang bskur ro/ /oM badzra kA ya siddhi a bhi Shi nytsami/ gsung rten bsnams te/ nye ring kun la snyoms pa tshangs pa'i dbyangs/ /thar lam ston pa lha yi rnga bo che/ /skye med 'gag pa med pa brag cha'i gsung/ /yan lag drug cu'i dbyangs kyi dbang bskur ro/ /oM badzra wA ka siddhi a bhi Shi nytsami/ thugs rten bsnams te/ chos nyid dag pa gnyis ldan mngon du gyur/ /chos can ji snyed dbye ba so sor gzigs/ /chos rnams rnam kun mngon rdzogs byang chub pa'i/ /sgrib bral rnam dag thugs kyi dbang bskur ro/ /oM badzra tsitta siddhi a bhi Shi nytsamo/ yon tan rten gser bum cha bsnams te/ stobs nyid rdo rje mi 'jigs sengge bzhin/ /ma 'dres mkha' dag thub bstan chu zla ltar/ /bral dang rnam par smin pa'i 'bras bu yi/ /yon tan drug cu bzhi yi dbang bskur ro/ /oM gu Na siddhi a bhi Shi