[A:411]phreng ba skor gsum dgongs don dkyil 'khor bzhi zhe gnyis steng / dA paN atsya zhes dgung lo stong dang nyi shu bzhugs shing tshems lan nyi shu brjes par grags pas bkral ba'i dge legs su byed dkyil 'khor gsum bsnan pas/ dkyil 'khor zhe lnga'i ras dkyil du dbang nyin bco brgyad ma'i lugs su bskur ba mdzad / gsang sngags rnying ma'i skor la/ rdo rje phur pa'i rdul tshon gyi dkyil 'khor du/ chos rje bla ma dam pa dang / sa lo chen po dang / sngags 'chang kun rin rnams kyi yig cha'i steng nas stod las byang chub sgrub pa'i dbang dang / smad las drag po sgrol ba'i rjes gnang / sa lo kun bsod kyis mdzad pa'i phur pa'i zhi ba'i sbyin sreg gi lung / bdag chen rgya gar ba'i 'phrin gzhung dregs pa zil gnon dang / sngags 'chang kun rin pa'i dbang chog mthong ba rang grol/ rje rang gis mdzad pa'i bsgrigs rim rnams kyi steng nas gu ru drag dmar nyang lugs kyi dbang dang yig cha rnams kyi lung / rta mgrin gsang sgrub byin rlabs/ sgrub skor rnams kyi lung dang bcas pa 'dod 'bum nang nas byin rlabs thugs dbang bsdus pa/ phyag rdor dregs 'dul gyi dbang / bstan ma bcu gnyis kyi rjes gnang / tshe rta zung 'brel/ byang gter lcags gdong ma/ mda' 'phel ma rnams tshe dbang / khyad par rgyal ba'i bstan pa rin po che'i sgor zhugs pa phal cher gyi rna bar ma thos pa'i gser chos snyan brgyud kyi skor la/ 'phags yul gyi paN grub rgya mtsho'i gtsug rgyan rnal 'byor gyi dbang phyug dpal ldan bi