[A:425]chen mo dang / yab rje nyid kyi gdung rabs zhal skong drug pa'i lo rgyus mdor bsdus de bzhin dang zhes pa'i bar/ sa skya dang e waM chos ldan chos sbyong rags bsdus/ sa skya bka' 'bum/ sa chen la gnyis dang / rtse mo'i gsung pod gnyis bcas pod bzhi/ rgyal sras thogs med/ ngor chen kun mkhyen/ mus chen sangs rgyas rin chen rnams kyi bka' 'bum yongs rdzogs kyi lung / gzhan yang gdan sa 'di nyid kyi phyag len rdo rje phur pa/ bde kyai gsang gsum/ kun rig tshe dpag med sogs kyi sgrub dkyil/ yi dam chos srung rnams kyi gtor bzlog bskang ba/ zhar byung sil gtor skor gyi yig cha la sogs pa gong ma na rim nas mdzad pa dang / yab rje rdo rje 'chang rang nyid nas mdzad pa'i chog sgrig ljags rtsom skor la sogs pa/ lung gi tshogs dpag par dka' ba zhig legs par gsan to/ /de ltar gsan pa de dag kyang 'ol spyi tsam du ma lus pa phyag len phra mo tshun chad kyang dpyis phyin par mdzad pa yin no/ /mdor na yab sras 'di gnyis jo bo rje dang 'brom ston pa'am/ rje btsun grags pa dang / sa skya paN chen gyi rnam thar dang tshul mtshungs par yang srid snga ma rnams su'ang bla slob kyi 'brel pa zam ma chad pa zhig yin par mngon te/ de'ang rje 'di'i rtsa ba'i bla ma thams cad kyi nang nas yab rje rdo rje 'chang mi'i gzugs can 'di kho na gtso bor bzung bar mdzad de/ nges pa don gyi rdo rje 'chang yin pa la gzhan rkyen gyis 'phrog par mi nus pa'i dad gus