[A:429]tshar gcod pa'i bstan bcos chen po tshad ma'i gzhung lugs grub mtha' phyi nang gnyis kas zhal gyis bzhes pa las/ nang pa'i gzhung lugs rgyal ba'i bstan pa rin po che dag par sgrub pa'i ched/ dgra bcom pa chos skyobs la sogs pas 'phags yul du rig gzhung rnam dag spel bar mdzad mod/ de dag las kyang ches khyad par du 'phags pa ni dpal ldan chos kyi grags pa'i bstan bcos tshad ma rnam 'grel zhes tshad ma'i bstan bcos rnams kyi nang nas mchog tu gyur pa 'di nyid/ sngon gyi lo tsA ba chen po rnams kyis ljongs 'dir bsgyur zhing / bshad pa'i rgyun bzhugs pa ltar yongs rdzogs bstan pa'i mnga' bdag rje btsun sa skya pa chen po kun dga' snying pos dpal me dig pa dang / mes lhang 'tsher ba sogs las tshad ma gsan pa dang / rje btsun rtse mos cha pa chos kyi sengge sogs la gsan cing / de bas kyang phul du gyur pa 'jam mgon sa skya paNDi tas/ rgya bod snga rabs dag gi log rtog rnams lung rigs kyis sun phyung nas/ chos kyi grags pa'i dgongs pa 'khrul med du skyong bar mdzad pa sogs sa skya pa'i yab chos gras rang yin pas na/ ring mo'i dus nas rje rdo rje 'chang chen po nyid kyi dgongs bzhed thun mong min par gdung rgyud rnams dang / 'dir bzhugs tshad ma ba rnams la gzhung skyor zhig byung na ci ma rung dgongs pa dam pa'i thugs bskyed mngon du gyur to/ /lo 'dir phur sgrub skabs 'cham phod rol phod/ gos bem sogs gsar bzo mdzad pa rnams ni/ da lta rtse phyag rtsis khra'i phur sgrub