[A:432]rdo rje 'chang yab sras rnam gsum/ rje btsun drung 'chi med bstan pa'i nyi ma/ bdag mo 'chi med dpal 'byor bzang mo/ sku zhang 'gro mgon pa dang / chos lung pa gnyis mdzod pa gsol gzims sogs drung rigs/ ban tshang pa sogs dpon g.yog skabs su babs pa dang bcas/ gtso chen gong sa phyag na padmo 'chang ba mchog gi mjal phyag dang 'brel gang gi rigs sras zung khrir phebs gsar 'jags legs 'bul gyi skyes dang / chabs cig jo shAka rnam gnyis sogs/ gtsang dbus lho byang gi gnas rten rnams la mchod 'bul/ dge 'dun gyi sde rnams su bsnyen bkur dang / skye bo'i tshogs la zang zing dang chos kyi sbyin pas tshim par bya ba'i slad du/ 'di ga gdan sa chen po nas/ lcags byi rta zla'i tshes la chibs kyi kha lo bsgyur te bar lam gyi mdzad sgo rnams gong yab rje kun blos rnam thar skabs rgyas par smos pa bzhin dang / lha ldan du bzhugs tsher lcang can du bzhugs te yab rje rdo rje 'chang nyid gdan sa nas phebs gong zhabs snyun tshul bzhes pa bar lam phal che drag skyed bzhes shing / slar stod lung chab tshan du phebs pas sing drag gis nag zla'i tshes bcur/ gong sa rgyal dbang thams cad mkhyen pa blo bzang bstan pa'i dbang phyug 'jam dpal rgya mtsho dpal bzang po'i mjal phyag dang / tshes bzhi la khri mjal dngos gzhir sku mdun du maNDal gsung bshad dang bcas/ 'bul ba zhabs brtan zhal bzhes zhu ba/ rten gsum gyi ljags bshad sogs mdo rgyud rgya mtsho thugs su