[A:438]gsungs/ /a ma jo jos bstan bshig yong ba la/ /de tshe kho yi don rang bcur rgyu red/ /ces gsungs sang nyin nas bzung rdo rje 'chang / /zhal dkyil nag par mdzad pas dga' mo byung / /zhes gsungs pa ltar dang / 'khor lo bde mchog gi gzhi bsnyen sbyin sreg bcas lo gang mdzad pa yin te/ rnam thar rtsa tshig las/ nyi shu pa la dam pa'i bka' bzhin du/ /bde mchog nag po lugs kyi gzhi'i bsnyen pa/ /las bzhi'i sbyin sreg bcas pa lo gang byas/ /de tshe bar chad gzhan gyis ma tshugs kyang / /lha lcam rdo dmar ba der rigs kyi bu/ /ngo mtshar khyad 'phags bltams pa de 'phral gshegs/ /bdag gi bsnyen sgrub sbyin sreg byed lugs la/ /yab rje shin tu dgongs pa rdzogs na yang / /bu chung ma bzhugs rkyen sogs 'ga' zhig la/ /brtan pa'i yab gcig rdo rje 'chang chen la/ /thugs 'byung bzhes te gzhan don dgongs pa gtad/ /zhes gsungs pas shes nus so/ /dgung grangs nyi shur phebs pa chu stag dbyug zla tsam la bsnyen pa sbyin sreg bcas grol bar/ de skabs mtshan rtags sogs ngo mtshar du ma byung yod pa gzhir grub kyang lo rgyus gsal ba ma mthong zhing / lo 'dir zangs ldan nye 'dabs rmu rdzing mgon khang rten bcas me bzhes kyi dus rtags bod spyir ngan pa yab rje rdo rje 'chang mchog thugs ngal bzod glags med pas rgyal ba yab sras sogs la snyan 'bul gyi zhabs rim mdzad gal che ba zhu gnang mdzad pa dang dus mtshungs tsam la/ paN chen blo bzang dpal ldan ye shes rgya nag tu