[A:440]bzhin sang nyin tho rengs der/ /brgya dpon dbu mdzad grwa tshang mchod dpon rnams/ /nged kyi gam du bkug nas bca' yig bklags/ /rang gis gang shes rdzig rdzig dpe med btang / /gsol ba'i thog tu dbyangs dpon thams cad la/ /bca' yig bsgrags la dbyangs kyi ring thung tshad/ /nged kyi lcam ze'i sbugs nas lag brda byed/ /de la ltos nas ring bar rgyong dgos kyi/ /da dung nga yis bkod pa mi byed na/ /dus mdos slob dpon nged kyi mi yong bas/ /nga ni tshogs nas log nas 'gro nges yin/ /byas pas nyer bzhi'i dus mdos grol ba'i skabs/ /srod chen phag sna zin pa'i dus slebs 'dug /dbyangs sbyongs grub nas yab rje'i drung phyin pas/ /yab rje gzims nas bdag la su yin gsungs/ /bdag yin zhus pas bla ma byang chub sems/ /thugs 'gal zhi nas bzhad sgra dang bcas pas/ /bdag la a da do tshe jo legs khos/ /bstan bshig 'di 'dra yong ba e ma mtshar/ /'di 'dra'i mdos chen ha cang rgyas drags pas/ /da ni ma byed grwa pa 'o brgyal gsungs/ /bdag gis 'di tsho ga tsam gal na'ang gal/ /mdos chen mgyogs su mi gtong thag chod yin/ /zhus pas thugs rje che gsungs bzhad mo mdzad/ /nyer dgu'i gtor ma thebs nas yar slebs skabs/ /yab rje thugs nyams 'ur ba'i rnam pa yis/ /rab dkar lha gos srid du ring ba zhig /bdag dang nu bor stsal nas 'di skad gsungs/ /rang re'i 'khrul zad rje btsun sa skya pa'i/ /bstan pa rin chen da ni zin song gsungs/ /