[A:453]snang mdzad rdo rje las bo dong ba'i thugs dam gtor rgyun rgya mtsho las/ byin rlabs rjes gnang sogs nyis brgya lnga bcu nga lnga tsam gsan pa sogs dang / rnal 'byor pa rlung sems la dbang 'byor ba ma he skad gtong ba las 'brug pa bka' brgyud pa'i lugs na ro chos drug skor/ rlung sbyong dang lus sbyong gi phyag khrid sogs dang / gzhan rnam thar zhal gsung ma 'dir gsal ba'i gsar ma'i skor la/ bzang ldan slob dpon dang / rnying ma'i dbu bla'i gras nas/ pad ma mkhyen brtse grub dbang na za ba sogs kha shas gsan yin sogs su mi gsal ba chad lus song ba 'dra ba bcas grub mtha' ris med kyi bla ma 'di rnams 'ga' zhig la dbang lung sogs rgya che ba dang / tha na'ang chos 'brel tsam gsan yod nges bcas/ gsan pa rgya mtsho'i pha mthar son pa 'di dag kyang dgung grangs so brgyad yan la yin cing / de nas kyang lo grangs bcu tsam bzhugs pa/ de lhag gsan nges snyam pa 'di dag kyang / ming rkyang tsam du ma lus pa bsam pas sgro 'dogs bcad de bsgoms pas nyams su bstar dgos pa yang / tshul gnas thos dang bsam ldan pas/ /bsgom pa la ni rab tu sbyor/ /zhes pa ltar/ lhag pa'i lha yi bsnyen sgrub snga phyir mdzad tshul rnam thar zhal gsung ma las/ dges pa rdo rje bde mchog nag po la/ /rdo rje gzhon nu badzra bhai ra ba/ /tshe dpag lha dgu 'chi med dpal ster dang / /phyag rdor gtum po drang srong log tri dang / /mkha' 'gro seng gdong ma hA kA la dang / /