[A:455]dang ye nas mi 'dra ba'i tshul nang du rlung sems la dbang thob pas bskyed rim la brtan pa thob cing / bzlas brjod rab 'byams kyi nus pa mthar phyin pas lha 'dre mi gsum dbang du 'dus shing / lhag par 'og tu gsal ba bzhin/ zab phu'i gnas chen rnams su/ brag g.yang su yang mi thar ba rnams su rdzu 'phrul gyis skad cig la byon te zab gter 'ga' zhig bzhes pa dang / bzhes 'phror lus shul sogs deng dus kun gyi mig sngar gsal ba/ thogs med kyi rdzu 'phrul sogs dang / sa gter la dbang ba 'phags lam sa dang po dang dgu pa sogs ma 'grong par mi dbang ba'i tshul rgyal ba'i mdo rgyud bstan bcos thams cad nas gsungs pas na mngon sum tshad mas grub bo/ /dgung grangs nyer gsum tsam la/ 'di ga'i las rim gras dpal mgon zhal bzhi'i sgrub bsnyen sngon 'gro'i zor 'phen sogs mdzad pa ste/ bsnyen sgrub skabs mtshan ma ji ltar byung tshul rnams zin thor 'god par mdzad pa las 'di ltar byung ste/ hor zla bcu gcig pa'i tshes bcu bdun nyin snga thun gyi spyan 'dren skabs sgrub khang gi gdung byang ma la tshag sgra shin tu che ba dang / bcu dgu'i snga thun gyi bzlas pa tshugs 'phral kho bo'i mthong snang du sa stegs kyi g.yon zur du btsun pa dar yol gdong thams cad sbos shing ngu ba zhig mthong ba dang / de rjes thun ma grol tsam la rdo rje dpal 'byor kho bo'i mdun na bsdad yod par/ sgrub khang gi sgo rtsa nas hel hel zer mkhan zhig 'dug zer nas ltar song bas su yang med pa