[A:40]rtsi ril bu sgrub tshul gyi yi ge phyogs gcig tu bsdus pa/ 'jam dbyangs bsod nams dbang po'i kyai rdor rnam bshad nyams rtogs gong 'phel dang bcas pa rnams kyi lung gsan te/ rang gzhan gyi don gang sgrub kyang chog pa'i rdo rje slob dpon du bsgrubs nas/ phyi rol tu zhen pa'i gdon gyi gnyen por rdo rje slob dpon gyi zab mo lus kyi dkyil 'khor du dbang bskur ba/ 'jam dbyangs bsod nams dbang po dang / mkhan chen ngag chos kyi mtha' dpyad zur 'debs kyi gnad 'gag dang bcas pa'i steng nas lam dus kyi dbang gi chu bo ma nub pa bskur ba yi ge brgya pa'i bzlas lung dang bcas pa gsan te/ nang bskyed rim bsgom bya'i don la thos bsam gyi sgro 'dogs gcod don sems 'dzin gyi nyams khrid kyi lam dang / lta ba grub mtha' 'da' ka ma/ zhar byung bar do dang / 'bras bu ste don tshan drug ldan du gsan/ mkhan chen ngag chos yig steng nas bdag med byin rlabs ni de skabs ma gsan pa'i tshul dang / khams 'dus pa thog mtha' bar gsum re re la'ang lam lta ba grub mtha' 'da' ka ma/ zhar byung bar do/ 'bras bu ste don tshan drug drug gi sgo nas gtan la phab pa dang bcas dbang po rab 'bring tha ma'i lam cha tshang ba re khrid rim du gsan/ rnal 'byor dbang phyug bir wa pas rje btsun brtse ba chen por dngos su gnang ba'i man ngag sa skya'i lcags ri'i khongs las zab chos bzhi'i nang tshan lam zab phyi nang gsang gsum las/ ngag chos yig steng