[A:467]yin 'dra'o/ /'di skabs tsam la yin nam gangs ri'i khrod kyi dam chos rdzogs pa chen po klong chen snying thig zhes/ 'dzam gling na yongs su grags pa'i bka' babs kyi shing rta 'dren pa sogs rig 'dzin chen po 'jigs med gling pa las sku mched gnyis char gyis dbang chos gsan tshul khong rang gi rnam thar lo rgyus nang gsal ba gong dbu bla'i gras su ma 'khod pa cung zad thugs tshom byung ngam snyam pa bcas dang / dgung grangs nyer drug pa sa sprel sa ga zla bar gang gi sku mched gcung po e waM bzang po kun dga' phan bde rgya mtsho de nyid dgung grangs nyer gsum par bstan gegs bzlog med kyis glo bur du zhing brjes pa'i tshul bstan pa yin te/ rnam thar rtsa tshig las/ bar skabs zhig la rigs kyis phongs pa'i khar/ /nu bo rgyan mchog nam mkha'i 'ja' ltar yal/ /nges 'byung zhe sdang 'bras bus lus sems mnar/ /zhes gsungs pa ltar sku na phra ba sogs sku mched du gyur pa'i thugs ngal tsam du ma zad de skabs gdan sa chen po 'dir gdung rgyud ha cang nyag phrar thug pa sogs rje 'bangs tshang ma thugs pham kyi rang bzhin du gyur kyang sngon du zhabs rim sogs rgya cher 'bad sgrub mdzad dang mdzad mus bcas bya thabs bral tshul de skabs sku mched rje btsun ma/ mdzod pa kun dga' phun tshogs dang / mkhan po ngag dbang dpal bzang / rje mus pa chen po sogs nyid kyi dbu bla rnams dang bcas nas dngos 'bul dang bcas rgyu mtshan mang du gsol bas gnas skabs thugs gsos te/