[A:472]g.yangs su gang mi thar ba'i sked zhig na sa skya bdag chen gyis gter bzhes 'phro red zer ba'i gser gzhong 'od can zhig phyed sa yis non cing phyed mthong ba yod ces bdag gi bla ma khu bo rin po che gsang ba'i bdag po gnas der mjal bar phebs skabs gzigs tshul bka' las yang yang thos pa sogs bdag bstod sogs las kyang / ma bsgrubs he ru ka dpal che la bstod gsungs pa bzhin don la gnas pa yin cing / slar gdan sa chen por phebs te/ gdung rabs myur 'byon gyi zhabs brtan la brtson par mdzad tshul gong 'phros rnam thar zhal gsung ma las/ lha lcam nyid nas gu ru drag dmar dang / /tshe sbyin yid bzhin 'khor lo'i sgrub pa dang / /las bzhi'i sbyin sreg bcas pa mthar phyin byas/ /de rjes rje btsun kun dga' bstan sgron bltams/ /de nas re zhig song ba'i dus dag tu/ /sgrol mar tshe lha lha khang gsar pa dang / /'jam dpal lha khang gsar bzhengs 'phro can dang / /bsam gling mgon khang nyams gso gsar bzhengs byas/ /ya ma zung gi cho 'phrul mang po dang / /zhes gsungs pa ltar rgyal yum de nyid nas/ /lha khang chen mo'i yang steng po ta la zhes sngon gyi dus su sngags 'chang chen po'i gzim chung de nyid du/ gter kha gong mar grags pa sngags pa nyang ral gyi brag srin mo'i sbar rjes can nas spyan drangs pa'i snyigs dus kyi rgyal btsan bsen mo sogs 'byung gdon sogs la shin tu bsngags pa sngags 'chang rgya gar shes bzang dang / sa lo sku mched rnams nas bzung