[A:474]can 'di bzhin gsar bskrun mdzad te phur zhal shar bstan du sngon du theg chen chos rje dang / bdag chen shar pa sogs kyi thugs dam rten gshed dmar dang / lha mo rje khol gyi sku rnying rnams da lta rten sgam zangs phra can gyi nang du bzhugs pa 'di rnams dang / gsar du gshin rje gshed dmar po/ 'dod khams dbang phyug ma dmag zor rgyal mo rnams mi tshad ma gsum la 'khor rnams khru phyed tsam re steng 'og sogs go rim ma log pa phyogs so sor bzhugs pa rnams la nang gzungs spyi dang / bye brag srog 'khor bla rdo sogs mtshan nyid dang ldan pa bzhugs su gsol ba rnams la snga phyir ye shes pa stim pa brgya phrag du ma mdzad rtags su/ da lta yang mig ldan su zhig gis mthong yang zil shin tu che zhing skabs re mdun du byang ba dang / skabs re rgyab tu phebs pa zhal dang / spyan gyi 'gug sogs nas khrag dang bdud rtsi rlon pa dngos su 'dzag pa sogs/ kun gyi mthong chos su gyur pa 'di rnams kyi sku rgyu rten mdo dpe bral ma dang / lha mo dngos bzhugs dbu gtsang gi rten gnas kyi sa sogs 'dres pa rnams las bskrun par mdzad pa rnams la gnam sa bar gsum gyi drag po'i rgyan dang / rten rdzas che phra rnams zangs khra'i nang sbyar du bzhugs pa dang / logs rnams su stag gzig dom dred ri dwags bya sogs kyi shun lpags rnams bzang gos 'ba' zhig las grub pa/ ka ba yod do cog la khrab rmog gri phub stag gzig gi lpags pas brgyan pa/ gzhan yang gri man mdung gsum sogs