[A:476]pa sogs dang bstun sgar nad mi bzad pas btab ste/ phal cher 'chi ba dang / 'phro rnams kyang bod dmag rnams nas bsad bcom gyis rang zhir gyur tshul bdag chen nyid nas mdzad pa'i dmag zor ma'i gtor bzlog gi sbyar byang las/ a bu ltar bcos pa'i go rgyal dpung / /bod mi dmangs kun gyis ma thul ba/ /nga sa skya'i mig gcig 'khos med pos/ /da myur du 'joms pa rgod re bro/ /zhes gsungs pa ltar/ de skabs skyes chen dam pa gzhan nas kyang dmag bzlog mang du mdzad pa gzhir grub kyang 'gro mgon dbang gi mtshan 'chang 'di nyid ni/ dus tshod 'di skabs su gnas dus kyi rten 'brel ma 'chugs na mtha' dmag 'dul bar ched du mngags tshul/ gu ru padmas gter lung rnams su/ zhang sna rnam rdo rje bdud 'joms kyi sprul par lung bstan tshul sogs las/ bal bod mtshams su dbang gi ming can byung / mtha' dmag bzlog pa'i rten 'brel de la yod/ ces sogs de 'dra'i lung bstan mang por gsal bar gsungs pa ltar mthu stobs lag na rdo rje dang mtshungs pa ni/ de skabs kyi skye bo rdzun mi zer ba phal cher gyis shes chos su gyur/ yang rnam thar gong 'phros las/ skabs rer gzhan gyis bka' bstsal lhur blangs nas/ /rang yul spangs nas sprang po'i tshul tshan gyis/ /shab gzhung phra mo'i yul phyogs 'grim 'grim nas/ /nam phyed spang skya'i steng nas phur pa yi/ /zor 'phen sngon chad ma grags ya mtshan can/ /zhwa nag tshab tu sog zhwa kha krong dang / /rdo gong tshab tu rdul