[A:42]chen po'i dbang gi mtshams sbyor bcas kyi steng nas stod las byang chub sgrub pa'i dbang dang / chos rje bla ma dam pa'i yig cha rnams kyi dgongs pa bzhin sngags 'chang chos kyi rgyal po ngag dbangakun dga' rin chen gyis mdzad pa'i gsal byed rin chen phreng ba'i steng nas/ smad las drag po sgrol dbang bcas gsan nas/ sa los mdzad pa'i rgyud 'debs dngos grub rgya mtsho dang / sgrub thabs bsdus pa/ bsnyen sgrub gsal byed la sngags 'chang chen po'i mchan gnang ba/ a mes zhabs kyis sgrig gnang phur dkyil rnams kyi lung / bdag chen rgya gar bas phrin gzhung dregs pa zil gnon dang / sngags 'chang chen po'i dbang mchog mthong ba rang grol bcas kyi steng nas mnga' bdag nyang ral gyi thugs gter brag srin mo sbar rjes can nas spyan drangs pa'i gu ru drag dmar gyi dbang bzhi byin rlabs kyi tshul du bskur ba dang / gong gi yig cha rnams dang brgyud 'debs bcas kyi lung / sngags 'chang kun dga' bkra shis yig steng nas tshe dbang 'chi med dpal ster ma'am bla ma zhi khro grags pa dang / ngag chos yig steng nas byang gter tshe dbang lcags sdong ma/ sngags 'chang kun bsod yig steng nas ras chen dpal 'byor bzang po nas brgyud pa'i tshe dbang mda' 'phel mar grags pa dang / sngags 'chang chen po'i yig steng nas sa skya pa'i yab chos yang phur gnyis kyi srung ma dkar bdud lcam dral gyi rjes gnang bdag chen rgya gar ba dang / sngags 'chang dang kun bsod kyis