[A:484]mchod chas dngul ting che chung bdun cha gnyis mchod kong che chung gnyis/ spos 'dzin/ me dam spos phor che ba dngul grub kyai rdor lha dgu pad sdong can sogs tsha gser gyis brgyan pa sha stag dang gta' spel snod sogs dngul teb bzhi bcu skor dang / gzhan yang nye 'khor gos dmar gyi smad khebs 'khor lo can/ stong ser sa chings gzung thag rdor bcas la sogs pa rdo gzhong dang rang 'thag sogs tshun chad nyer mkho byas chog 'di dag gsar bskrun mdzad cing / dgung grangs so brgyad du phebs pa lcags sprel khrums zla'i nang sku kha bdo ba zhig kyang byung tshod kyi rnam thar zhal gsung ma'i gong 'phros las/ so brgyad lo la gro bzhin zla ba'i mjug/ /bya rgyal rgod po gnam 'phang gcod pa la/ /hor las skyes pa'i bdud sprul ma rungs pas/ /sa rnyi btsugs zin nas 'gum 'dod kyang / /ro zan 'dab chags lta bu'i sngags smyon kho/ /rnyi la thebs las med do rgas gog tsho/ /phyin chad snying tshim yid bde dga' bar mdzod/ /zhes gsungs pas shes nus so/ /de ltar dgung grangs so brgyad yan gyi rnam thar zhal gsung ma dang bstun na rags tsam de ltar lags kyang / lo khams mi gsal ba'i sngon byon gong ma rim byon gyis phyag btab pa'i spyi dang bye brag gi bstan 'gro'i me btsa' gtsug lag khang rnying gras che phra rnams la nyams gso ji ltar mdzad pa rnams rags tsam brjod na/ thog mar rje btsun gong ma'i gzim sbug gzim spyil dkar po'am sgo rum du grags pa 'di nyid kyi rtse'i spang bad spen bad du bsgyur