[A:514]da lta rig 'dzin lha khang gi shar lhor zhal nub bstan du bzhugs pa 'di nyid la rigs sras bdag khri padma'i mtshan can nyid/ ban tshang pa sogs chog gra dang bcas rab gnas rgyas par mdzad cing / phyi bskor la me tog 'thor ba gos sku dang / 'phan nag zhal phye ste mchod 'bul/ skye bo'i tshogs la sbyin gtong che ba mdzad pa sogs sngon bla ma gong ma dang 'dra ba mdzad pa dang / gzhan yang de skabs kyi gong sa thams cad mkhyen pa rgyal dbang lung rtogs rgya mtsho/ paN chen rin po che blo bzang dpal ldan bstan pa'i nyi ma/ bod kyi srid skyong rta tshag sku gong ma sogs dang / gang gi dbu bla zhal bzhugs rnams dang bcas par bsngo rten spam mtho ba dang / 'di ga'i chos sde lho byang gis mtshon pa dgon sde rnams dang / ris med kyi dgon pa rnams su dgongs rdzogs mchod 'bul/ mang 'gyed sogs rgya che ba dang / lo zla dus dran gyi dgongs rdzogs su chos sde byang pa tshogs yongs la da lta'i bar la gcung dang lhan cig kyai rdo sgrub mchod zab ma tshul grol dgu dang / dus chen nyin ser 'du mang 'gyed zab pa zla dus la ban tshang pa'i bla mchod bcas/ bdag khri padma'i mtshan can sogs yum sras rnams nas ji srid bar btsugs pa bcas kyis yab rje dpal ldan chos skyong ngam dbang sdud snying po'i rnam thar rags tsam brjod zin to/ /