[A:517]cing / gzhon nu nas rab tu byung ste gdan sa 'di nyid kyi rgyud sde khag dang / gtor bzlog khag rnams kyi rdo rje slob dpon mdzad pa sogs bstan pa'i bya ba thos bsam bsgom gsum dang / mkhas pa'i bya ba 'chad rtsod rtsom gsum gyis dus 'da' bar mdzad skabs/ snyigs dus kyi gdul bya rnams bsod nams dman pas ma chud par dgung grangs nyer gsum pa sa sprel zla tshes la zhing du gshegs pa'i tshul dang dgongs rdzogs sogs sgrub tshul gong 'jam mgon dbang gi mtshan can gyi rnam thar bzhin gdung rus rnams btul te satstsha dri med snying po can btab ste rab gnas skabs lha'i me tog dkar po yu ba cung zad dang bcas pa mang du babs pa satstsha rnams la'ang sbyar ba dang / snga dus lha khang bla brang gi gdung rabs zhig la'ang byung tshul gsungs pa sogs gong du bstan pa bzhin dang / gu ru padma'i gter lung zhig las khyi phag rgya mtsho'i ming can byung zhes dgung snying bcas gsal bar bstan pa/ nang rten da lta lha chen khyams stod na bzhugs pa'i gser dngul ra ma lug gi 'jig rten dbang phyug bcu gcig zhal gyi snang brnyan 'di yin par gsungs shing / lha chen sku gnyer sprod deb na bcu gcig zhal 'di rje btsun rmol drung 'chi med bstan pa'i nyi mas gsar bskrun dang / de'i nub kyi dngul grub mchod rten 'di yin par bshad la gang ltar de gnyis gang rung yin pa lha'i me tog satstsha rnams de gnyis gang rung gi nang gzungs su bzhugs shing / gsang yum chos lung ma rje btsun