[A:522]gtam snyan bka' khra dang brtan bzhugs tshogs 'don bcas bstsal te/ mi ring bar 'khrungs ston du mdos chen zab res sogs dga' ston rgya che mdzad cing / de lta bu'i gdung sras gzhon nu de nyid ni/ mtshan dpes spras shing ya rabs dam pa'i ngang tshul kho na las/ tha mal gyi byis pa'i spyod pa las 'das pa yab rje rdo rje 'chang las rkyen sel gyi dbang rjes gnang du ma dang / dpon slob gnas lnga rig pa kun dga' bkra shis de nyid las yi ge'i phyi mo bri klog la sogs pa rig gnas kyi tshogs du ma gsan cing / gzhon nu'i dus nas gdan sa 'di nyid na bzhugs pa'i chos spyod rnams dang rtsa rgyud brtag gnyis dang bde kyai gsang gsum rdo rje phur pa yo ga dang bcas pa'i sgrub dkyil rnams dang / rdo rje'i chos skyong rnams kyi gtor bsngo bskang bstod bskul gtor bzlog rnams dang bcas par thugs blor chub ste/ yab rje'i drung du re re bzhin rgyugs 'bul mdzad nas/ tshogs dbu rnams la phebs shing / khyad par rtsa rgyud brtag gnyis tshogs la phebs skabs rgyud 'don zab ma zhes/ tshoms chen du lam 'bras bla brgyud gos yol/ kyai rdor gos thang sogs rgyan 'grem dang / tshogs pas 'dab lcam sogs zab gyon dang / sger gzhung nas zhabs brtan ja 'bras dar 'gyed sogs mdzad srol de nyid thog ma sku thog 'di tsam nas byung bar mngon/ de nas rdo rje phur pa'i sgrub mchod gar 'cham sogs la thog mar phebs te/ skye bo kun gyi yid tshim par mdzad pa dang / nyid kyi dgung grangs bco lnga bar phebs par/ yab rje mchog nas sngon