[A:525]blos blangs bteg ste/ dbu byed che sa nas spos reng bu thogs te tshig rigs dang bstun/ so sor ngo sprod bcas tshogs pas maNDal so bdun ma gdangs bcas gang gi mchod rdzas ma bcas grub nas/ 'jam mgon pad ma'i mtshan can gyis sems bskyed gsal 'debs par mdzad de/ 'jam mgon sa skya paNDi ta'i sku che ba'i yon tan gyi jeng drangs te gang der dbus gtsang khams gsum du gsungs pa'i tshogs chos thub pa'i dgongs pa rab tu gsal ba zhes grags pa'i dbu'i mtshan don nas brtsams/ bsam gtan gyi phar phyin yan chad dang / nyin bar mar bca' sgrigs rnams gong bzhin gyi sku gsum ye shes kyi rnam bzhag yan chad/ nyin gsum par skyabs mgon yab rje dpal ldan chos skyong nyid dang bcas yab sras bzhi char gong gi dge mtshan dang bcas phebs te/ khri chen gyi steng du yab sras bzhi char bzhugs te/ bca' sgrigs rnams gong bzhin gyi 'jam mgon padma'i mtshan can nas sems bskyed gsar 'debs par mdzad de snga 'phros sku gsum ye shes kyi rnam bzhag man nas mjug sbyar byang bar sngon byon yab sras gong ma'i bzhed srol bzhin gsal dag snyan gsum gyi sgo nas thugs thog nas rdzogs par bstsal te/ de dus kyi skya ser thams cad 'jam dpal gzhon nu dngos dang mnyam pa'i mos gus 'phel bar gyur to/ / de skabs gzhung sa chen po nas/ gong sa thams cad mkhyen pa rgyal dbang blo bzang lung rtogs rgya mtsho mchog dang / srid skyong rta tshag no mi han blo bzang dpal ldan rgyal mtshan/ paN chen