[A:529]gsan pa/ rjes su ngag dbang smin grol rgya mtsho las gsan 'dug rnam sras rigs can bco lnga'i rjes gnang / rnam sras zhi drag gi pod lung dang bcas pa sogs gsan pa rgya mtsho lta bu mdzad pas/ rje nyid kyi dbu bla rnams kyi nang nas kyang 'di nyid la gtso bor mdzad/ gzhan yang rdo rje phreng ba'i dbang yang gzhan par gsan tshul mi snang bas 'di nyid la gsan nam snyam zhing / mdo phyogs pod chen drug mtshan nyid dang / snyan sum sogs rig gnas kyi skor yang mang du gsan bsam mdzad pa nyid kyi gsung las/ nged lo gzhon nu'i dus su spyir yab rje rdo rje 'chang dang / khyad par yongs 'dzin dam pa kun bkras de nyid kyi zhabs pad bsten te mdo sngags rig gnas dang bcas par slob sbyong mi dman tsam bgyid rgyu byung ba skal ba bzang zhing / da lta yang rang rgyud la yon tan cha shas tsam yod pa ni dpon slob de nyid kyi bka' drin yin pas khyer mtha' ma mchis so/ /zhes yang yang gsungs par grags pa sogs kyis shes so/ /rje btsun rmo'u drung 'chi med bstan pa'i nyi ma zhes grub pa'i dbang mo de nyid las/ gtso bo gsung ngag slob bshad kyi smin grol yongs rdzogs/ byin rlabs rigs rgyab rten lung dang bcas pa sa chen kun blo'i gsan yig ltar phal cher gsan par nges shing / gzhan yang sbyong rgyud dkyil 'khor bcu gnyis kyi dbang lung gser chos mkha' spyod skor gyi byin rlabs dang / nA ro mkha' spyod ma'i byin rlabs khrid thun mong ma yin pa'i zhal shes rigs dang / be'u bum sogs rgyab rten lung