[A:542]mdzad nas/ mgron che nas so so'i go babs bzhugs khrir gdan zhus kyis gsol ja 'bras sil bcas phebs/ de nas gsol tshigs sgang du gsol ston sder kha rgya che ba bstsal te/ rtser gnas gzigs sogs gnang yod dam snyam zhing / de bzhin du srid skyong no mi han mtsho smon gling pa ngag dbang 'jam dpal tshul khrims rgya mtsho drung du khri mjal legs 'bul/ maNDal rten gsum mjal dar gser dngul sogs stobs che ba phul zhing/ de bzhin bka' blon lhan du sngon lam khri 'bul sogs dang/ gong ma'i sku tshab am ban la de mtshungs mdzad yod 'gro ba bcas dang/ sku mched gnyis char gzhung sa mchog nas gtor bzlog mnan sreg 'phangs gsum zhabs brtan sgrub dgos rnams grub nas/ jo shAka rnam gnyis rten gsum rnams la mchod 'bul rgya che ba dang / khrus gsol lha gnas kyi me tog 'thor ba bcas mdzad skabs nam mkha' 'ja' 'od kyis khengs pa/ rang bzhin gyis dri bzang 'thul ba sogs kun gyis gleng ba byung/ srid skyong mchog nas bkas bskul ba bzhin mtsho smon gling pho brang gsar bskyed kyi sa chog rdo rje phur pa'i sgo nas mdzad pa/ khul de na mtsho gling la shin tu gnod pa'i klu zhig yod pa/ sngar dmar skyur thab gzhob sogs phran tsam phog kyang / de ma thag rma shu gnyan sogs du ma yod pa/ de nas bzung dmar skyur ched du btab kyang mi gnod pa zhig byung ba/ srid skyong kun 'khor kun bdag khri rin po ches 'di 'dra ba'i mthu stobs zhes gzengs bstod mdzad