[A:552]gser sgron pa snyan dar srid na ring ba phul te bstan pa rgyas pa dang de 'dzin rnams sku tshe ring ba/ rnam dkar 'phrin las rgyas pa sogs dang / 'jig rten gyi khams su lo phyugs legs pa sogs bde skyid thugs smon drag la yun ring bar 'debs pa mdzad cing / gzhung sa mchog nas kyang snga bar phyi gsum gyi zur chas gnang sbyin dang / bstan srid kyi zhabs brtan kyang mang du thon pa rnams bsgrubs nas dgongs zhu'i snyan zhu mdzad de ring min phebs phyag zhu gnang gis/ rtse shod so so nas phebs thon gnang skyes kyang gya nom par bstsal te/ rgod ka'am dgod kha la brgyud nas lho khar chibs bsgyur gyis bsam yas su phebs te bzhugs yul rgyal dbang mchog gi gzim chung du bsgrigs pa na/ der ma bzhugs par gzhan zhig tu spo dgos tshul gsungs te/ dum tsam nas sngar gra sgrig zhu sa'i gzim khang rdib gzhom du gyur pa bsam yas pa dang 'di phyogs sgar pa rnams ha las te/ tshang mas bdag chen rin po che la mngon mkhyen thogs med 'di 'dra yod pa min na gzhan rang re rnams sa phyogs 'di nas phyi log rgyu med pa sogs bstod bkur bsngags gsum gyi sgras bar snang khyab bo/ /chos skyong chen por spyan gzigs gser skyems snyan shal sogs bstsal te bka' bzhin bsgrub rgyu'i tha tshig kyang phul/ de nas rtse thang dang yar klung rten gsum gnas gsum sogs la mchod 'bul gnas gzigs dang / thugs sras mangga'i mtshan can dang / rgyal yum zhing skyong dbang mo/ dpon slob chos grags pa bcas gu ru'i sgrub gnas yar klung shel