[A:556]bsrung dgos zhes yang yang gsungs pas/ sngags pas phyag dang bcas de 'dra zhu ma dgos pa de 'dra bdag gis ga la nus sogs zhus kyang ma gsan par/ 'o na skyabs rje mchog nas 'bebs par mdzad tshe bdag gis bsrung ga la nus/ bdag gis phab chog pa la/ skyabs rje mchog nas srung cha thugs rje che rogs gnang zhus te/ sngags pa ser ba 'bebs tu chas pa las/ rje nyid chas gtam sogs la thugs g.yeng skabs/ sngags pa'i nus mthus nam mkhar glo bur sprin nag bsdus ste glog 'khyug 'brug sgra dang bcas ser ba phab par/ rje nyid nas cung zad g.yeng ba'i lan/ ser bas lo thog gcom par 'gyur srid gsungs nas/ phyir byon nas mgul phur bton te/ nam mkha' la bsgril bas/ phur rtse nas me stag du ma khrom khrom 'phros pas/ sprin nag dbyings su 'thor zhing / sprin bral nyi ma'i 'od zer gyis khyab pa na/ de tshogs rnams kyi thugs rje che zhes phyag mang du phul ba'i tshe gsungs las/ nged kyi phur pa 'di btab na lha yang rdul bzhin brlag par 'gyur na/ gnod byed bgegs dgra sdigs pa tsam gyis 'gum/ de bas na nga rig 'dzin sdegs 'gum bya ba yin/ khyed rnams kyis da sa brtan po gyis shig gsungs te/ sngags pa la yang nus mthu che gsungs nas/ ma dha na'i mgron dang / spa dar sogs gsol ras bstsal/ sngags pas phyag 'tshal zhing khyod rdo rje gzhon nu dngos dang rnam dbyer ma mchis pa/ phran bdag gis 'gran par ga la nus/ skye ba dang tshe rabs thams cad du rjes su bzung du gsol/ zhus tshul dang yang