[A:572]mchog nas thugs smon dang bcas lha phyag grangs med phul dbu thug zhus nas/ gzhi thog pho brang du phebs pa'i de nub nam gyi phyed gang tsam gyi dus rgyal kun 'dus pa'i spyi gzugs yab mchog dam pa de nyid rgyun gyi thugs dam nyams bzhes kyi mjug 'da' ka ma'i rnam 'byor gsal btab ste/ zag pa med pa'i dgongs pa chos kyi dbyings su thim tshul bzhes pa'i mod la sa yang rnam pa drug tu g.yo ba dang / lhag par chos dung yid bzhin nor bu nyid skyes bu'i rtsol ba la ma ltos pa bzhugs sgam nang nas rang sgra cung zad sgrogs pa'ang gzhan gyis thos pa byung zhing / de tshe bdag khri mangga'i mtshan can nyid gzhi thog tu thugs dam nyams bzhes rnams grol kyang srod phyi mo'i bar bzhugs pas rgyal sgo brdung byung ba dang ngas byas 'u cag mi sdod 'gro gsungs gsum skas 'go ru phebs pa dang sku mched rje btsun 'phrin las dbang mo nyid nas/ skyabs rje dgongs pa chos dbyings su thim tshul zhus te/ zhabs lhar phebs mtshams zhabs 'bring pa kun yi mug ches nas snying gi chu gter 'dren byed kyi lam nas lud de mya ngan ca co bung ba tshang zhig lta bu gyur pa dang / yum sras rnams kyang thugs ngal tshad med kyi ngang nas rjes bzhugs zhabs tog dgongs rdzogs rnams sgrub pa la thugs gzhol ba'i ngang nas thugs sras dam pa bdag khri mangga'i mtshan can nyid nas bka' bsgos te/ sku gdung rin po che'i spyan sngar mchod tshogs bsam gyis mi khyab pa phul te thugs smon dang bcas sku phyag kyang mang du