[A:596]rin chen sna tshogs kyi phra rgyan bcas da lta lha chen khyams stod kyi mchod sdong 'dzam gling 'od gsal gyi g.yas phyogs ngos kyi ka drung na bzhugs pa/ 'di bzhin ring bsrel rnam bzhi spyi dang bye brag gi gzungs brdzang rab gnas rgyas pa mchod tshogs bcas bzhugs pa 'di nyid yin cing lo dus kyi mchod pa de snga chos byang tshogs yongs nas dges rdor sgrub mchod tshul grol nyin lnga zab ma dang / chos lhor dus chen dang / bzang gos 'ba' zhig gi mchod phreng bcu gcig mtshan pa zhabs bskor rgyas pa bcas mdzad pa/ gzhan yang rje de nyid kyi gdan sa lta bu chos 'khor lhun po'ang sngon skyabs rje de rang bzhugs dus bka' 'gyur gsung sgrogs sogs lo ltar gnang ba dang / dgongs rdzogs dges rdor sgrub mchod da lta'i bar yod skad thos pa bcas/ de rnams kyi mgon po dngos grub dpal 'bar gyi rtogs brjod rnam thar sgro skur dang bral ba cung zad spros zin to/ /
7 ngag dbang kun dga' rgyal mtshan/
de nas yang bdag chen dpal ldan chos skyong ngam dbang sdud snying po'i btsun mo yongs grags kyi gsum pa/ rta nag rang byon ma bgres gzhon gnyis las chung ba rgyal yum dam pa dam tshig sgrol ma las rigs myug gnyis 'khrungs pa'i che ba 'khon gdung ngag dbang kun dga' rgyal mtshan nam rin chen tshul khrims dbang phyug tu grags pa ni/ yab rje dbang gi