[A:598]gzhung dang chos spyod rab gsal brgyud 'debs chen mo'i chos spyod rigs dang bde kyai gsang gsum 'jigs byed nA ro mkha' spyod bdag med ma/ rdo rje phur pa/ chos skyong gur zhal dang bcas pa'i mngon rtogs dkyil chog gtor bsngo bskang ba gtor bzlog rnams kyi chog gzhung rnams re re bzhin yab rje rdo rje 'chang dang bdag khri gcen po padma bdud 'dul dbang phyug sogs kyi sku mdun du re re bzhin rgyugs 'bul mdzad thog cho ga phyag len dbyangs rol gar 'cham phyag rgya bca' tshul tshun chad la chig rkya 'pher bar mdzad/ rgyud sgrub mchod dus gtor rnams dang gtor bzlog khag bcas kyi tshogs dbur phebs te/ rang gzhan thams cad dang ba 'dren par mdzad de kun gyis 'jam dpal gzhon nu dngos kyi 'du shes bskyed par byung zhing yab rje rdo rje 'chang las snga phyir dbang lung mdor bsdus gsan tshul gong gcen po yab rje sku mched dang 'dra 'am snyam zhing / gzhan yang gcen po sku mched sogs skyes chen dam pa rnams las dbang rjes gnang nyams khrid lung la sogs pa snga phyir gsan pa rnams sdeb gcig tu brjod na/ thog mar jo lags gcen po padma bdud 'dul dbang phyug gam mthu stobs bstan 'dzin bzang po'i drung nas/ snga phyir lam 'bras tshogs bshad cha lag dang bcas pa/ lam skor phyi ma brgyad pod dmar ser gyi lung dang bcas pa/ rjes gnang spyi bka' ba ri brgya rtsa'am sgrub thabs brgya rtsar grags pa'i rjes gnang zur dka' 'jam dbyangs dmar ser/ smra seng / 'jam