[A:613]gyi rgyud nas gsungs pa'i sa skya pa'i yab mes kyi phyag len bzhin phyag rdor 'byung 'dul gyi bsnyen pa zla gang ma bcu cha'i sbyin sreg bcas dang / yi dam kyai rdo rje'i gzhi bsnyen zla drug/ yab chos rnying ma rdo rje phur pa'i bsnyen pa zla gsum ma/ gur mgon brag rdzong ma'i bsnyen pa zla gang lhag tsam rnams/ so sor sbyin sreg dang bcas mdzad de/ bla ma gong ma'i dgongs rdzogs sgrub mchod so sor rdo rje slob dpon dang / phur sgrub tshogs dbus su gsung bshad dang gdan sa chen po 'dir rgyal bstan spyi dang bye brag gi zhabs rim du lo ltar gnang ba'i rdo rje phur pa chos skyong gur zhal/ dmag zor ma/ gnod sbyin yang le be sogs gtor bzlog zor las pa/ mgon mdos lha mo rje khol/ mgon po zhal gyi dam tshig bskang gso sogs kyi rdo rje slob dpon rim par mdzad cing / de tsam zhig la yab rje rdo rje sku mched bka' gros kyis yab rje padma bdud 'dul dbang phyug nyid bdag khri dgongs zhu dang / de mtshams gdung sras gsum khri 'don gnang rgyur sngar lam gzhung sa chen por snyan seng sgron phul mdzad de/ chu stag g.yul thang 'ong phung la bstan srid je mthor gyur pa'i rten 'brel du/ dar lcog che ba 'dzugs pa khrir phebs zhabs rim du bka' 'gyur gser chos klog 'don dang / ban tshang pas phur bzlog sku rim chen mo bzhin/ lo dus kyi dus mdos chen mo 'gyangs te/ de'i tshab byang tshogs yongs phyed nas/ dmar chen gtor bzlog zab ma dang phyed nas 'char can zhal gyi gtor