[A:615]gyis bskor ba bzhin dal bus ltag sgo nas rim bzhin g.yas bskor gyis seng sgor brgyud shar sgo'i nang du gdung sras bgres pas zhabs g.yas bzhag pa dang / chos dung rin po cher dung bshad byed pa rtse mthun dgos pa gong ma'i bla dung du grags pa sogs sngon lam bzhin mdzad de/ khri chen gyi mdun thad tsam du phyag gdan phul la phyag 'tshal grub nas/ nub kyi sgo chung brgyud chos khri mkhas pa zil gnon gyi khar bzhugs 'khod grub nas chos spyod mtshams bzhag pa dang gsung rab zhal 'byed pa bdud bzlog dang bsngo smon mdor bsdus grub nas 'jam mgon ngag dbang rdo rje rin chen gyis sems bskyed gsal 'debs pa sngar lam bzhin mdzad de 'jam dbyangs sa skya paNDii tas gsung rab thub pa'i dgongs pa rab tu gsal ba zhes bya ba'i dbu'i mchod brjod nas sbyin pa'i phar phyin yan dang / nyin bar mar sku gsum ye shes kyi rnam bzhag yan chad/ nyin rjes mar rigs dang dkyil 'khor rgya mtsho'i khyab bdag yab rje rdo rje 'chang padma bdud 'dul dbang phyug mchog kyang lhan phebs kyis chos khri'i dbus su bzhugs thog ngag dbang rdo rje rin chen nyid nas sems bskyed gsal 'debs pa mdzad pa nas bzung mjug gi sbyar byang bar thugs thog nas ha cang myur ches pa dang ha cang dal ba dang tshig sgra mi dag pa dang / gcod mtshams log pa la sogs pa chos 'chad pa'i skyon rnams dang bral bar gsungs pas/ de 'dus mkhas rmongs thams cad ngo mtshar du gyur ro/ /de skabs su gzhung