[A:621]khrus gsol rab gnas mdzad pa'i mod la mtsho kha lud cing mdog zangs su bsgyur tshul sogs snga phyi grub mtshan kyang ci rigs ston par mdzad nas dgung grangs zhe dgu pa me yos chu stod zla ba'i tshes bcu bdun gyi tho rangs mkha' 'gro'i tshogs dpon du zhi bar gshegs pa'i tshul bstan cing dgongs rdzogs zhabs rjes rnams phun gling bla brang nas bsgrubs te/ da ltar brtse chen lha khang du bzhugs pa'i dngul gdung gdan khri dang rgyan spros gser zangs rin chen du ma'i phra rgyan gyis phyug pa 'di'i nang zhugs dam pa gang nyid kyi spu rus kyi gdung tshwa las rtsa gsum rgya mtsho'i snang brnyan ji snyed kyis mtshon/ ring bsrel rnam bzhis phyur bur gtams pa mchod tshogs dang bcas par bdag chen kun dga' bsod nams chog grwa dang bcas nas/ rab gnas rgyas par bstsal ba 'di dang lo dus kyi mchod par dpal chen rdo rje gzhon nu'i sgrub mchod lho byang 'dus spyir dus chen thog sngar lam bzhes thug mang ja zhabs skor bcas/ de skabs su dgos pa'i rgyal mtshan 'phan gdugs sogs gos rnying 'ba' zhig las gsar bskrun bdun tshan re la sogs pa gtong rten sgo rum tang ka bcas kyi sa zhing ru khag sogs/ lha spyir sbyor 'jags kyi deng skabs kyang nyams med gtong bzhin pa 'di rnams dang gzhan yang rab ston sogs la 'grem pa'i gos sku g.yul thang brgya rtsa dang dbyar stong tshogs gur sogs la nyams gso mang bar skyabs mchog de nyid kyi gzung ma