[A:625]bzhugs shing / e waM chos ldan gyi phan khang mkhan rin po che byams pa kun dga' bstan pa'i blo gros las gsung ngag rin po che'i slob bshad rdzogs par gsan pa dang / spyi bka' rdo rje phreng ba'i dbang chen zhe lnga/ 'jam mgon mkhyen brtse dbang po las seng gdong nyer lnga'i dbang lung / dpon slob ngag dbang rin chen las dmar po skor gsum gyi rjes gnang tshang ma/ sa dbang bla mas mdzad pa'i de skor gyi dpe lung sogs mang du gsan cing / yi dam kyai rdo rje dang / nA ro mkha' spyod/ rdo rje phur pa/ gur mgon/ lha mo rig byed ma/ phyag rdor/ 'byung 'dul rnams kyi bsnyen pa bcu cha'i sbyin sreg bcas mthar phyin pa mdzad cing / dbang lung 'chad spel sogs ni mtho dman drag zhan che phra tshang mas zhus kyang nyid kyis ma gsan na ma gtogs mi yong gsung srol med pas/ kun gyis chu 'chu ba ltar blang chog par mdzad cing / de lta bus thugs brel med tshe phyag dpe kho na gzigs rtog gis gtso bor bka' 'gyur yongs rdzogs thengs gnyis tsam klog 'don mdzad cing / de skabs 'dul ba'i lugs sogs kyi/ bdag cag gi ston pa'i skyes rabs rnam thar ngo mtshar gzigs pa'i tshe spyan chab kho na mdzad cing / gzhan yang gdung rabs chen mo'i sngags 'chang chen po'i rnam thar ngo mtshar rgya mtsho la sogs dam pa gong ma'i mdzad spyod ngo mtshar can dag gzigs pa na spyan chab gsung bgros kyang mi thon skad mdzad pa 'di dag ni/ thugs rgyud byang chub sems kyis brlan pas/ bcos min gyi dad pa dang nges 'byung gting nas g.yo ba'i