[A:626]rtags gzhan las rmad du byung ba ste/ sngon gyi dus su jo bo rje dpal ldan a ti sha nyid zhal bzhugs dus/ dge bshes ston pa'i drung du sku mched gsum dang khams lung pa'i slob ma yin pa'i btsun pa zhig mjal du byung ba la/ ston pas po to ba kho ci mdzad kyi 'dug gsungs pas khong dge 'dun brgya phrag mang po la chos gsungs kyi gda' zhus pas 'o ngo mtshar che de yang gcig yin gsungs/ dge bshes phu chung pa kho ci mdzad kyi gda' gsungs pas/ khong rang gzhan gyi yo byad mang pos rten gsum 'ba' zhig bzhengs shing gda' zhus pas/ sngar bzhin gsungs/ dgon pa ba khong ci mdzad kyi gda' gsungs pas/ khong sgom 'ba' zhig mdzad kyi gda' zhus pas sngar bzhin gsungs/ khams pa lung pa khong ci mdzad kyi gda' gsungs pas/ khos sa grog kha re ru bzhugs/ dbu btums tee bshum pa 'ba' zhig mdzad kyi gda' zhus pas ston pas dbu zhwa phud thugs kar thal mo sbyar spyan chab mang po phyung nas shin tu ngo mtshar che chos bya ba de khong gis byas pa yin/ 'di'i yon tan mang po bshad rgyu yod de da lta bshad na khong mi mnyes pa 'dug gsungs pa'i lo rgyus deng sang gi dus tshod mig la thal ba lta bu shor na ma gtogs dad dang nges 'byung gis mchi ma 'byin pa ni srid pa tsam na shin tu ngo mtshar ba'i rnam thar du shes par bya'o/ /deng dus kyi bla sprul phal che bas mi mkhyen kyang mkhyen pa'i tshul dang ma grub kyang grub pa'i tshul/ mngon shes med kyang yod tshul sogs mdzad par kun gyi phyag