[A:633]phebs skabs gong rnams gsan bzhes dgos tshul bka' mngags gnang ba bzhin/ rje btsun bla ma 'di nyid nas mdo smad ngos phan khang mkhan po sogs la gsan te zab chos rnams srog mthud par mdzad pa 'di rnams yin zhing / bdag chen 'di nyid mnga' ris skor gsum ngos sogs stod phebs thengs re gnyis las phal cher gdan sa rang du bzhugs te chog mang dang / 'go zla'i 'jam mgon a mes zhabs kyi dgongs rdzogs skabs sogs kyi bde mchog slob dpon snron zla'i sa chen kun blo'i dgongs rdzogs kyi rwa lugs 'jigs byed bcu gsum ma dang / yab rje padma bdud 'dul dbang phyug gi dgongs rdzogs phur pa dang / yab rje kun rin gyi dgongs rdzogs kyai rdor sogs sgrub mchod rnams kyi slob dpon mang du gnang zhing de skabs bdag chen bkra shis rin chen mchog dang thugs snang shin tu gshin pa yod skad kyis phur sgrub slob dpon lo ltar sku mched gnyis nas mdzad cing dus mdos sku mched gnyis gang rigs nas lo ltar mdzad skad dang / bdag chen mangga'i mtshan can mchog gi dgongs bzhed khyad par ba'i gras zab gsol 'cham gzigs su grags pa sngon dus sa tshogs su zab rgyas mdzad skabs kyi slob dpon kyang skyabs mchog 'di nyid nas mdzad de/ sku chas sogs kyang ljags bkod mdzad pa sogs yongs grags de skabs tsam la bsam yas chos skyong gi lung bstan zhig la/ spre'u byang chub sems dpa' shing rtser 'dzegs/ /stag gi lo la stag gi rgyal mtshan 'dzugs/ /zhes pa zhig bstsal ba spre'u