[A:641]3 dpal ldan phyogs kyi glang po/
rgyal yum nyi zla dbang mo'i gdung sras zung las gnyis pa/ dpal ldan phyogs kyi glang po ste/ yab rje kun dga' rin chen dgung grangs nga gcig par phun tshogs pho brang du gzugs sku'i dkyil 'khor mngon par gsal zhing / gzhon nu nas rab tu byung ste/ gdan sa 'di nyid kyi las phral chos sogs phal cher mdzad grub mtshams/ sa gzhung gi 'bul sdud du khams phyogs mdo smad ngos su phebs/ bstan 'gro'i bde thabs la gzhol skabs nyag rong dmag zing 'go tshugs pa bstan don zhabs rim dmag bzlog sogs mang du mdzad pa dang / gzhung sa mchog nas lha dmag gi dpung gi sbyor ba sogs bshams pas/ pha rol nag phyogs pa'i g.yul las mngon par rgyal te/ mdo smad srid pa bder bkod kyi rnam thar bskyangs grub kyang / rje 'di nyid bdag bas gzhan gces kyi thugs bskyed dam bca' 'gog tu med pa lta bus rje 'di nyid ngag dbang kun dga' rgyal mtshan gyi yang srid du zhal gyis 'ches pa gong de nyid kyi sku tshe lhag ma lta bu'i dgung grangs nyer gnyis su thim nas/ nyer gsum pa shing byi lor mdo khams glang nag dgon du sa g.yo'i rkyen pas zla ba gsum pa'i tshes bco lnga la gshegs tshul bstan/ sku rjes rnams bkras brtsegs bla brang nas sgrub cing / nang rten glang nag dgon rang na gser dngul bkra