[A:649]su gsol ba 'di dang / lo dus chos byang tshogs yongs nas nA ro mkha' spyod ma'i sgrub mchod dang dus mchod nyin gyi dge rgyun phun pho bla brang nas lo ltar sgrub mus 'di'o/ /de rnams kyis ngag dbang drag shul yon tan rgya mtsho'am 'dzam gling ched rgu dbang sdud kyi rnam thar sgro skur gyis dben pa mdo tsam bshad zin to/ /
5 'jam dpal dngos grub rgya mtsho/
rgyal yum snying ri ba'i gdung sras chung ba 'jam dpal dngos grub rgya mtsho ste/ de yang yab kun dga' bsod nams dgung grangs nyer bzhir phebs pa khro bo zhes pa shing glang zla ba bcu pa'i tshes nyi shur bltams shing / gzhon nu nas yon tan phyi mo bri klog dang / rtsa rgyud brtag gnyis sogs rgyugs sprod rnams kyang rim mdzad kyis gcen po dang mnyam du dbang chos gsan bzhes rnams kyang rim par mdzad/ rgyun 'don phur sgrub sogs tshogs phebs dang / gsung bshad las rim rnams kyang phal cher gcen po bzhin mdzad/ nag chur phebs 'grul du phebs/ mjug gos dkar lcang lo 'dzin pa'i skur bzhengs te stod phyogs la thengs gcig phebs par mnga' ris kho char du sri gnon mdzad dus gnon dong phye skabs ral gri brag rdo la brdab pas me stag 'phro ba dang / rab gnas skabs me tog gi char babs par gleng ba sogs grub rtags 'ga' zhig kyang bstan/ de