[A:654]cag gi snying gi gdung sel mchog /pha dbang gi mtshan 'chang slar byon pa/ /bu mchog ni bkra shis rin chen dang / zhes sogs dang / gzhan yang 'og tu 'byung ba bzhin lha dang bla ma rnams kyi lung gis yang yang bsngags pa'i phyir na/ dbang sdud snying po'i rnam thar zhal gsung ma las/ padma 'byung gnas 'phen shugs ma rdzogs pas/ da lta lha 'dre mi gsum byams pa 'byung / zhes gsungs pas/ rgyal dbang padma ka ra'i rnam 'phrul du nges pas sngon gyi dus na'ang bod la bka' drin che ba'i mchog tu gyur pa dang / 'jam mgon dbang sdud snying po zhing brje nye'i dus shig dbyar dgun chos thog rgyugs 'bul ba rnams la bdag rkyen du dbang zhig stsol ba'i phyag rgyun bzhugs pa las/ rnam 'dren dam pa 'di'i yongs 'dzin dpon slob chos grags pa nyid sku gzhon nu'i dus/ deng sang bsgrigs pa'i rgyugs sprod du grags pa 'di nyid rgyugs 'bul mdzad skabs/ dbang de nyid 'jam mgon dbang gi mtshan can nas spyan gsal gyis stsol skabs rgyugs 'bul ba gzhan dag rnams la tshe ril mchod dpon nas bkye pa'i mu nas/ dpon slob de nyid la gnang ba'i tshe 'jam mgon de nyid rang nas bzhes te/ phyag spar gang bstsal ba dang chabs cig nga yi dge rgan byed dgos gsungs pa'i tshe/ dpon slob de nyid sku na gzhon pa'i stabs kyis/ ci gsung rgyu yin nam snyam pa'i ngang nas zhag du ma'i bar 'jigs chum me ba zhig byung / deng sang brtags na gdung sras rin po