[A:656]kyang nga / /rang gi tshogs ldan nyan pa'ang nga / /zhes sogs gsungs pa ltar nges don du ston pa dang 'khor gnyis thugs rgyud gcig gis bsdus par gsungs pa'i phyir ro/ /de yang gong du smos pa bzhin chu lug lo yab rje sku mched zung dang rgyal yum zhing skyong dbang mo bcas dbus phebs thog ma'i skabs/ rgyal dbang thams cad mkhyen pa sogs mjal phyag grub nas/ lho gnas su phebs skabs bsam yas chos skyong chen po'i lung bstan du da lta yum gyi lhums na yod pa 'di gdung sras dang / de yang pad 'byung gnyis pa 'gro mgon dbang sdud snying po'i rnam sprul yin pas mtshan yang theg chen dbang sdud snying por thogs shig ces 'bru dkar gyi me tog snyil ba sogs don du yab rje dam pa'i rnam sprul tshang mas mthun grub tu 'byung ba bzhin lhums zhugs kyi zla grangs rdzogs nas bdag cag rnams kyi ston pa'i dbang po nyid longs spyod rdzogs pa'i skur bzhengs te/ dpal ldan 'bras spungs su dus 'khor gyi rgyud gsungs pa'i dus chen dang nye bar nag zla'i tshes nyer gnyis la/ dge legs rgya mtsho'i 'byung gnas pho brang du dri bzang 'thul ba/ lha rnams kyis 'ja' 'od dang me tog gi char snyil ba sogs ltas bzang po du ma dang bcas te sku bltams shing / gdan sa'i chab 'bangs rnams kyang nam ltas 'di la dpag na gong sar 'khrungs sgo zhig yod par gdung sras khyad par can zhig sku bltams par thag chod/ zer zhing dga' ba'i rnam 'gyur ston pa dang / zhabs lha'i rgyab phyogs