[A:660]las/ sbyong rgyud dkyil 'khor bcu gnyis dang / phyag rdor 'chi bdag 'joms pa/ kun rig gi dbang sogs gsan/ rje btsun a ni drung skal bzang chos kyi nyi ma las/ grub chen brgyad cu'i byin rlabs/ bla med sgrol ma nyer gcig dang / rnam sras rigs can bco lnga'i rjes gnang sogs gsan/ thar rtse mkhan rin po che byams pa kun dga' bstan 'dzin las gsung ngag slob bshad cha lag dbang byin rlabs lung pod rnams dang bcas yongs rdzogs/ gzhan yang bir wa pa'i lam 'bras chung bar grags pa gshed dmar spros med kyi dbang byin rlabs nyams khrid lung bcas gsan/ spyi bka' rdo rjes phreng ba'i dbang chen dngos la zhe gnyis dang / kri ya sa mu rtsa nas gsungs pa'i dge legs su byed pa'i dkyil 'khor gsum bsnan pa'i dkyil 'khor zhe lnga'i dbang chen/ zur bka' bya rgyud dri med rnam gnyis/ gdugs dkar nyer bdun ma/ spyod rgyud a ra pa tsa na lha lnga / rnal 'byor rgyud phyag rdor 'chi bdag 'joms pa lha bcu gsum ma/ bla med gsang 'dus ye shes zhabs lugs rnams kyi dbang chen/ gzhan yang byang gter tshe dbang lcags sdong ma/ tshe dbang mda' 'phel ma/ tshe rta zung 'brel rnams kyi dbang rjes gnang skor la/ nyang lugs gur drag gnyan sgrol/ dbyangs can dkar mo/ don zhags lha lnga seng ge sgra ngag gsung grol bcas pa/ dzam dmar srog sgrub rnams kyi rjes gnang / sa 'jam sbags sgrub/ gang blo ma'i rig gtad/ kun